పీటీఎం ఉద్యమ నేత ఆరిఫ్‌ వజీర్ దారుణ హత్య

పాకిస్తాన్‌లో పష్తూన్ తహఫ్పూజ్ ఉద్యమ(పీటీఎం) నేత ఆరిఫ్‌ వజీర్‌ శనివారం దారుణ హత్యకు గురయ్యారు. రెండు రోజుల క్రితమే జైలు నుంచి బయటకు వచ్చిన ఆరిఫ్‌పై శుక్రవారం అర్థరాత్రి ఖైబ‌ర్ ప‌‌క్తుంఖ్వా రాష్ట్రం ద‌క్షిణ వ‌జీరిస్తాన్‌లోని తని నివాసంలో గుర్తుతెలియని దుండగడులు కాల్పులు జరిపారు. దీంతో ఆరిఫ్‌కు తీవ్రగాయాలు కాగా, వెంటనే స్థానిక ఆస్పత్రికి తరలించారు. అక్కడ చికిత్స పొందుతూ శనివారం ఆయన మృతి చెందారు. కేసు నమోదు చేసుకున్న పోలీసులు గాలింపు చర్యలు చేపట్టారు. కాగా, 2017లో ఆరిఫ్‌ కుటుంబ సభ్యులు కూడా హత్యకు గురయ్యారు. ఆరిఫ్‌తో గొడ‌వ‌ప‌డ్డ కొంద‌రు ఉగ్ర‌వాదులు అత‌ని కుంటుంబంలో ఏడుగురు వ్య‌క్తుల‌ను కాల్చిచంపారు.