హ్యూమన్ రైట్స్ మిషన్ ఆంధ్రప్రదేశ రాష్ట్ర మహిళా విభాగం ఉపాధ్యక్షురాలిగా కోయ సుధ.

ప్రజల హక్కులకు భంగం కలగకుండా చూడటమే హ్యూమన్ రైట్స్ మిషన్ ధ్యేయం అని హ్యూమన్ రైట్స్ మిషన్ రాష్ట్ర అధ్యక్షులు డా.సంపత్ కుమార్ అన్నారు. శనివారం విశాఖపట్నం లోని గాజువాక క్లబ్ లో జరిగిన రాష్ట్ర, డివిజన్ కమిటీల సమావేశంలో ముఖ్య అతిధిగా పాల్గొన్న సంపత్ కుమార్, రాష్ట్ర మహిళా విభాగం అధ్యక్షురాలు స్వప్న చేతులమీదుగా మథర్ థెరిస్సా చారిటబుల్ ట్రస్ట్ నిర్వాహకులు కోయ సుధకు నియామక పత్రం అందించారు. అదేవిధంగా కోవిడ్ లాక్ డౌన్ సమయంలో పలు సేవా కార్యక్రమాలు చేపట్టినందుకు గానూ కోవిడ్ వారియర్ గా అభినందన పత్రం అందించారు. మథర్ థెరిసా చారిటబుల్ ట్రస్ట్ కార్యదర్శి ఎస్.విజయలక్ష్మి ని హ్యూమన్ రైట్స్ మిషన్ జిల్లా వెల్ఫేర్ సెక్రటరీ గా నియమించారు. ఎక్కడైనా ప్రజల హక్కులకు భంగం వాటిల్లితే ప్రజల తరపున నిలబడి పోరాటం చేయాల్సిందిగా పిలుపునిచ్చారు. ఈ కార్యక్రమంలో హ్యూమన్ రైట్స్ రాష్ట్ర కార్యదర్శి కంచర్ల జాన్ బాబు, రాష్ట్ర ఉపాధ్యక్షులు జార్జి కుమార్, ప్రముఖ సినీనటులు ప్రసన్న కుమార్, డివిజన్ మీడియా సెక్రటరీ ఇమ్మడిశెట్టి వెంకట్, కృష్ణాజిల్లా కార్యదర్శి అడపా సాయిబాబు, రాష్ట్ర కమిటీ సభ్యులు తదితరులు పాల్గొన్నారు. మైలవరం ప్రాంతంలో పలు కార్యక్రమాలు నిర్వహిస్తున్న మదర్ తెరిసా చారిటబుల్ ట్రస్ట్ అధ్యక్షురాలు కోయ సుధా ను సెక్రటరీ విజయలక్ష్మి లను రాష్ట్రస్థాయి పదవులకు ఎంపిక అయినా సందర్భంగా పలువురు వారికి అభినందనలు తెలిపారు