అనుమానిత లక్షణాలు ఉన్నవారికి కరోనా పరీక్షలు నిర్వహించి మరణాల నియంత్రణపై దృష్టి పెట్టండి

జిల్లాలో కరోనా వ్యాప్తి నియంత్రణలో ఏమాత్రం ఏమరపాటుకు తావులేకుండా అధికారులంతా బాధ్యతాయుతంగా కరోనా కట్టడికి కృషి చేయాలని జిల్లా కలెక్టర్ ఏ.ఎండి.ఇంతియాజ్ స్పష్టం చేశారు. నగరంలోని కలెక్టర్ క్యాంపు కార్యాలయం నుండి బుధవారం సబ్‌కలెక్టర్లు, ఆర్డీఓలు, వివిధ శాఖల జిల్లాస్దాయి అధికారులు, మండలస్దాయి అధికారులతో జిల్లా కలెక్టర్ ఏ.ఎండి.ఇంతియాజ్ వీడియోకాన్ఫరెన్స్ నిర్వహించారు. ఈ సందర్భంగా కోవిడ్ నియంత్రణ చర్యలు, వై.యస్.ఆర్ .ఆసరా, చేయూత, భూముల రీసర్వే, ఈ-క్రాప్, గ్రామ సచివాలయాలు, ఓటర్ల జాబితా ప్రత్యేక సవరణ, రైస్‌కార్డుల పంపిణీ, ఆటోమ్యూటేషన్ తదితర అంశాలపై జాయింట్ కలెక్టర్లు డా.కె.మాధవీలత, ఎల్.శివశంకర్ , కె.మోహన్‌కుమార్ లతో కలిసి కలెక్టర్ సమగ్రంగా సమీక్షించి పలు సూచనలు అందజేశారు. కోవిడ్‌పై ఉదాసీనంగా ఉండవద్దుః-జిల్లాలో కోవిడ్ వ్యాప్తి ఉద్దృతి తగ్గుముఖం పట్టినప్పటికీ నియంత్రణా చర్యల్లో పట్టు సడకుండా మరింత పటిష్టమైన చర్యలతో రానున్న ఐదారునెలలు కూడా ఎంతో బాధ్యతాయుతంగా అధికారులు కృషి చేయాలన్నారు. కరోనా టెస్టులు ఎక్కువ సంఖ్యలో నిర్వహించడమే కాకుండా అనుమానిత లక్షణాలు ఉన్నవారిని త్వరితగతిన గుర్తించి వెంటనే టెస్టులు నిర్వహించడం ద్వారా మరణాల సంఖ్యను మరింత గణనీయంగా తగ్గించవచ్చన్నారు. ఇదే సమయంలో కరోనా పరీక్షలు నిర్వహించడమే కాకుండా ఆ శాంపిల్స్ ల్యాబ్‌లకు పరీక్షల కోసం చేరాయో లేదో పరిశీలించుకోవాలన్నారు. ముఖ్యంగా జిల్లాలో పెనమలూరు, కానూరు, పోరంకి తదితర ప్రాంతాలపై మరింత దృష్టి సారించాలన్నారు. మచిలీపట్నం ప్రభుత్వ ఆసుపత్రిలో ప్రస్తుతం 170 మంది కరోనా వైద్య సేవలు పొందుతున్నారని అయితే ఆసుపత్రిపై భారం పడకుండా వారంలోపు కోవిడ్‌కేర్ సెంటర్ ఏర్పాటుకు చర్యలు తీసుకోవాలని ఆర్డీఓ ఎన్ఎస్‌కె.ఖాజావలిని ఆదేశించారు. హోం ఐసోలేషన్‌లో ఉన్నవారి పట్ల ఉదాసీనంగా వ్యవహరించకుండా వారి ఆరోగ్యంపై ప్రత్యేక శ్రద్ద పెట్టాలని తరచూ ఆశ, ఏ.ఎన్.ఎంల పర్యవేక్షణ ఉండాలన్నారు. పై#్రమరీ, సెకండరీ కాంటాక్ట్‌లు గుర్తించడంపై ప్రత్యేక దృష్టి సారించాలని అధికారులను ఆదేశిస్తూ అందుకు తగిన సలహాలు, సూచనలు అందజేశారు. కోవిడ్ వ్యాప్తి నియంత్రణ చర్యల్లో నూజివీడు డివిజన్‌లో మరింత ప్రత్యేక చర్యలు చేపట్టాలన్నారు. ముఖ్యంగా విస్సన్నపేట ప్రాంతంలో కేసుల నమోదు, నూజివీడు అర్బన్, గ్రామీణ ప్రాంతాల్లో కరోనా వ్యాప్తి నియంత్రణకు సంబంధిత అధికారులతో ప్రత్యేక సమీక్ష చేయాలని సబ్ కలెక్టర్ ప్రతిష్టమంగైన్ ను ఆదేశించారు. ఈ-క్రాప్ః-జిల్లా ఈ-పంట నమోదు ఇంతవరకు 81 శాతం జరిగిందన్నారు. ఈ-క్రాప్ బుకింగ్ ప్రక్రియను నెలాఖరికల్లా వేగవంతగా పూర్తిచేయాలన్నారు. షెడ్యూలు ప్రకారం వ్యవసాయ, ఉద్యానశాఖ పరిధిలోసాగు చేసిన పంటలను సరిచూసుకొని ఈ-క్రాప్ బుకింగ్ ను పూర్తిచేయాలన్నారు. దీనిపై వ్యవసాయ అధికారులు, తహసీల్దార్ ఈ-పంట నమోదుపై ప్రత్యేక దృష్టి సారించాలన్నారు. వై.యస్.ఆర్ .ఆసరాః ఈ నెల 11 నుండి 17 వరకూ వారోత్సవాలు స్వయం సహాయ గ్రూపుల మహిళలకు ఉద్దేశింపబడిన వై.యస్.ఆర్ .ఆసరా కార్యక్రమాన్ని ఈ నెల 11వ తేదీన ముఖ్యమంత్రి వై.యస్.జగన్‌మోహన్‌రెడ్డి ప్రారభించనున్నారన్నారు. ఇదే సమయంలో నియోజకవర్గస్దాయిలో స్దానిక శాసనసభ్యులు, ఇతర ప్రజాప్రతినిధులతో పరిమిత సంఖ్యలో ఈ కార్యక్రమాన్ని నిర్వహించాలన్నారు. అదేవిధంగా వై.యస్.ఆర్ రైతుభరోసా కేంద్రాల వద్ద అర్బన్ ప్రాంతంలో వార్డు సచివాలయాల వద్ద ముఖ్యమంత్రి లాంఛనంగా ప్రారంభించే వై.యస్.ఆర్ .ఆసరా ప్రారంభోత్సవాన్ని తిలకించేందుకు అవసరమైన ఏర్పాట్లను చేయాలన్నారు. ఈ సమయంలో పరిమిత సంఖ్యలోనే హాజరు ఉండేలా చూడాలన్నారు. వై.యస్.ఆర్ ఆసరా కింద జిల్లాలోని 56,569 మహిళా సంఘాలకు మొదటి విడతగా 516 కోట్ల రూపాయలు విడుదల చేయడం జరుగుతుందన్నారు. మహిళా సాధికారితకు సంబంధించి ప్రభుత్వం అమలు చేస్తున్న కార్యక్రమాలపై అవగాహన కలిగించేందుకు ఈ నెల 11 నుంచి 17 వరకు వారోత్సవాలు నిర్వహించబడతాయన్నారు. అక్టోబర్ నుండి అమలు చేసే వై.యస్.ఆర్ బీమా కార్యక్రమానికి సంబంధించి జిల్లాలో 11,63,945 నిరుపేద కుటుంబాలకు సంబంధించి బీమా నమోదుకు సర్వే చేపట్టడం జరిగిందని ఇంతవరకూ ః 2ః ః 2ః 43,600 పూర్తి చేశారని మిగిలినవి త్వరితగతిన పూర్తి చేయాలన్నారు. అదేవిధంగా మండలానికి ఇద్దరు లబ్దిదారులు చొప్పున 98 మందిని రూరల్ రిటైల్ షాపులు నిర్వహించుకునేందుకు ఎంపిక చేయడం జరిగిందని వీరి వర్తకానికి హిందుస్దాన్‌లీవర్ , ఐటిసి, రిలయన్స్ తదితర సంస్దలతో టైయప్ చేయడం జరిగిందని వీటిని కూడా ఈ నెల 11వ తేదీన ప్రారంభించుకోవడం జరుగుతుందన్నారు. దీనివలన 10 వేలకు తక్కువ కాకుండా మహిళలకు ఆదాయం వచ్చేలా ఏర్పాట్లు చేయడం జరిగిందన్నారు. భూముల పునఃసర్వేః-వచ్చే జనవరి నుండి భూమి పునఃసర్వే బృహత్తర కార్యక్రమానికి శ్రీకారం చుడుతున్న నేపథ్యంలో అందుకు సంబంధిత అధికారులు సర్వసన్నద్దంగా ఉండాలన్నారు. ఆటోమ్యూటేషన్ నిర్వహణలో చాలా జాగ్రత్తగా వ్యవహరించాలని కలెక్టర్ ఇంతియాజ్ సూచించారు. జిల్లా జాయింట్ కలెక్టర్ డా.కె.మాధవీలత(రెవెన్యూ) మాట్లాడుతూ ఓటర్ల జాబితా ప్రత్యేక సవరణ 20, 21 పక్కాగా నిర్వహించాలన్నారు. ఇది నిరంతర ప్రక్రియ అయినప్పటికీ తగు జాగ్రత్తలతో చేపట్టి ఓటర్ల నమోదుకు అందిన దరఖాస్తులు, అభ్యంతరాలు, లాజికల్ తప్పులను వేగవంతంగా పరిష్కరించాలన్నారు. బూత్‌లెవల్ అధికారి నియామకంలో అంగన్‌వాడి కార్యకర్తల స్దానంలో గ్రామ/వార్డు సచివాలయాల్లో సర్వేయర్లు తదితర సిబ్బందిని మినహాయించి తక్కువ పని ఉన్నవారిని బిఎల్ఓలుగా నియమించాలన్నారు. ఇకపై ప్రతి సోమవారం సాయంత్రం 4 గం. నుండి 6 గంటల వరకు వివిధ అంశాలపై జిల్లా అధికారులు, మండలస్దాయి అధికారులతో జిల్లా కలెక్టర్ వీడియోకాన్ఫరెన్స్ నిర్వహిస్తారన్నారు. ఈ వారం సమీక్షించిన అంశాలను వచ్చే వారం నాటికి పురోగతి సాధించాలన్నారు. ఈ-పంట నమోదులో వ్యవసాయ, ఉద్యానశాఖ అధికారులు , తహసీల్దార్ల మద్య సమన్వయం ఉండాలన్నారు. రైతుభరోసా కేంద్రాల ద్వారా వ్యవసాయ అవసరాలకు ఎరువులు, పురుగుమందులు తగిన స్దాయిలో నిల్వ చేసుకోవాలన్నారు. వీఆర్వోలు, పంచాయతీ సెక్రటరీల లాగిన్‌లో నమోదై బయోమెట్రిక్ హాజరు విధిగా వేయాలన్నారు. ఈ విషయంలో నిర్లక్ష్యంగా వ్యవహరిస్తే సస్పెండ్‌కు గురికావలసి వస్తుందని హెచ్చరించారు. జనవరి నుండి భూమి పునఃసర్వే చేపడుతున్నందున ఈ లోపుగానే ప్యూరిఫికేషన్ ఆఫ్ ల్యాండ్ రికార్డ్స్ పై దృష్టి పెట్టాలన్నారు. ఆటోమెషన్ విషయంలో సరైన కారణాలు లేకుండా తిరస్కరించకూడదన్నారు. సచివాలయాల ద్వారా అందించే సేవలను ప్రోత్సహించాలన్నారు. ఆయా దృవపత్రాల జారీలో నిర్దేశించిన గడువులోనే పూర్తిచేయాలన్నారు. రైస్ కార్డుల పంపిణీలో 98 శాతం పూర్తిచేసి రాష్ట్రంలోనే మొదటి స్దానంలో ఉన్నామన్నారు. జాయింట్ కలెక్టర్ ఎల్.శివశంకర్ (అభివృద్ది)మాట్లాడుతూ ప్రతి డివిజన్‌లో రెండు పిహెచ్‌సిల పరిధిలో కోవిడ్ టెస్టులు నిర్వహించాలని ఐమాక్స్ బస్సుల దగ్గరకు వచ్చి కరోనా పరీక్షలు చేయించుకొనేలా ప్రజలను చైతన్యపరచాలన్నారు. ఫీవర్ క్లీనిక్‌ల నిర్వహణలో ప్రత్యేక శ్రద్ద పెట్టాలన్నారు. జగనన్న విద్యాకానుక కింద పాఠశాల విద్యార్దులకు అందించే కిట్లు పంపిణీకి సిద్దం చేసుకోవాలని సంబంధిత కిట్లను సరైన చోట భద్రపరుచుకోవాలని ఎంఇఓలను ఆదేశించారు. ప్రభుత్వం సంబంధిత కిట్లు పంపిణీకి తేదీ ఖరారు చేయగానే వాటిని పంపిణీ చేయాలన్నారు. నాడు-నేడు కింద 427 అంగన్‌వాడి కేంద్రాలను పై#్రమరీ స్కూల్స్ గా ఏర్పాటు చేసేందుకు కొత్తగా మంజూరైయ్యాయని వాటిని ఎలిమెంటరీ పాఠశాలలో ఏర్పాటు చేసేందుకు 5 సెంట్ల భూమిని కేటాయించేందుకు చర్యలు తీసుకోవాలన్నారు. జాయింట్ కలెక్టర్ (సంక్షేమం) కె.మోహన్‌కుమార్ మాట్లాడుతూ వై.యస్ .ఆర్. ఆసరా, వై.యస్.ఆర్ బీమా కార్యక్రమాలపై ప్రభుత్వ మార్గదర్శకాలను వివరించి ఈ కార్యక్రమాలను విజయవంతం చేయాలన్నారు. ప్రభుత్వం సంక్షేమ కార్యక్రమాల అమలుకు సంబంధించి రూపొందించిన క్యాలెండర్ ను ప్రదర్శించాలన్నారు. వై.యస్.ఆర్ బీమా అమలుకు తొలుత కేవలం 15 రూపాయల ప్రీమియం లబ్దిదారుడు చెల్లించేలా ఆదేశాలు ఇచ్చినప్పటికీ తాజాగా ఒక్కరూపాయి కూడా వారి నుండి వసూలు చేయకుండా రూ.370 ప్రభుత్వమే చెల్లించేందుకు నిర్ణయం తీసుకుందన్నారు. ఈ దృష్ట్యా ఎవరి నుండి ఒక్క రూపాయి కూడా వసూలు చేసేందుకు వీలు లేదని ఆయన స్పష్టం చేశారు. దేశంలో ఆంధ్రప్రదేశ్ రాష్ట్రం ఒక్కటే ఈ కార్యక్రమాన్ని చేపట్టిందన్నారు. ఈ వీడియోకాన్ఫరెన్స్‌లో విజయవాడ అర్బన్ తహసీల్దార్ కార్యాలయం నుండి సబ్‌కలెక్టర్ హెచ్.ఎం.ధ్యానచంద్ర పాల్గొని విజయవాడ డివిజన్‌లో ఈ-పంట నమోదు ప్రక్రియను వారం రోజుల్లో పూర్తిచేసేందుకు చర్యలు తీసుకుంటామన్నారు. ఈ సమావేశంలో డిఆర్వో ఎం.వెంకటేశ్వర్లు, డిఆర్.డిఎ పిడీ శ్రీనివాసరావు, మత్స్యశాఖ జేడి లాల్అహ్మద్ డిఇఓ రాజ్యలక్ష్మీ, డిఎంఅండ్‌హెచ్ఓ టివిఎస్ఎన్.శాస్త్రి, డిసిహెచ్ఎస్ డా.జ్మోతిర్మణి తదితరులు పాల్గొన్నారు.