vnewss

Share this on your social network:

Published:
31-07-2020

ఆగస్టు 3వ తేదీ నుంచి అవనిగడ్డలో వారం పాటు పూర్తి లాక్ డౌన్.

కరోనా వ్యాప్తి తీవ్రత రోజురోజుకూ ఎక్కువవుతున్నందున అవనిగడ్డలో ఆగస్టు 3వ తేదీ నుంచి 9వ తేదీ వరకు పూర్తి లాక్ డౌన్ అమల్లో ఉంటుందని తహసీల్దార్ మస్తాన్ తెలిపారు. శుక్రవారం మండల టాస్క్ఫోర్స్ సమావేశంలో అన్ని శాఖల అధికారులు తహసీల్దార్ కార్యాలయంలో సమావేశం అయి లాక్ డౌన్ నిర్ణయం తీసుకున్నారు. అవనిగడ్డలో మొత్తం 28 పాజిటీవ్ కేసులు ఉన్నాయని కేసుల తీవ్రత మరింతగా పెరగకుండా చూడాలని లాక్ డౌన్ నిర్ణయం తీసుకున్నామని తహసీల్దార్ తెలిపారు. లాక్ డౌన్ సందర్భంగా ఉదయం 6 గంటల నుంచి 9 గంటలు వరకు మాత్రమే నిత్యావసరాల దుకాణాలు తెరిచి ఉంటాయని, మద్యం దుకాణాలు పూర్తిగా మూసి వేసేందుకు టాస్క్ఫోర్స్ నిర్ణయం తీసుకున్నదని తహసీల్దార్ తెలిపారు. లాక్ డౌన్ సమయంలో వివాహాలు చేసుకోవాలంటే తప్పనిసరిగా అనుమతి తీసుకోవాలని, అనుమతి ఉన్న వారు మాత్రమే ప్రయాణాలు చేయాలని తెలిపారు. ఉదయం 9 గంటల తరువాత ఎవరూ బయట తిరగరాదని, ఎవరయినా లాస్క్ డౌన్ నిబంధనలు ఉల్లంఘిస్తే కఠిన చర్యలు తప్పదని తహసీల్దార్ హెచ్చరించారు. ఈ కార్యక్రమంలో ఎస్సై సందీప్, ఈఓపీఆర్డీ శైలజాకుమారి, పంచాయతీ కార్యదర్శిలు పాల్గొన్నారు.