క్యాలరీలను కరిగించే ముద్దు

ముద్దు...స్త్రీ పురుషుల మధ్య ప్రేమావేశాన్ని కలిగించే ప్రక్రియ. దీని వలన ఇద్దరి మధ్య ప్రేమ ఒక్కటే జనించదనీ, ఎన్నో ఆరోగ్య లాభాలు పొందవచ్చన్న విషయం తెలిసిందే! నిమిషం పాటు ముద్దు పెట్టుకోవడం వలన 26 క్యాలరీలు ఖర్చు అవుతాయి అంటున్నారు పరిశోధకులు. అంతే కాకుండా ముఖంలోని కండరాలకు దీనికి మించిన వ్యాయామం లేదని చెబుతున్నారు. చెక్కిళ్లు పటిష్టంగా తయారు కావడానికి ముద్దు దోహదపడుతుందని వారు అంటున్నారు. ముద్దు పెట్టుకోవడం వలన మొత్తం 30కండరాలు పనిచేస్తాయని చెబుతున్నారు. రోజులో కనీసం రెండు నుంచి నాలుగుసార్లు జీవితభాగస్వామిని ముద్దు పెట్టుకోవడం వలన క్యాలరీలు కరిగి ఆరోగ్యం లభించడమే కాకుండా వారిద్దరి మధ్యా ప్రేమ మరింత బలపడుతుందని వారు అంటున్నారు.