నీరు ఎక్కువ‌... అంద‌మూ ఎక్కువే

టీనేజ్‌లో తీసుకునే ఆహారపు అలవాట్ల ప్రభావం ముప్ఫై ఏళ్లు వచ్చే సరికి కనిపిస్తుంది. ఆహారంలో పోషకాలు లేకపోవడం వల్ల చర్మం కాంతిని కోల్పోవడం, మొటిమలు రావడం, కళ్ల కింద నల్లటి వలయాలు ఏర్పడటం జరుగుతుంది. అందంగా కనిపించాలంటే ఇలా చేయండి.. ప్రతిరోజు వ్యాయామం చేయాలి. ఏరోబిక్స్‌, సైక్లింగ్‌, స్విమ్మింగ్‌లాంటి వ్యాయామాలు చర్మ గ్రంథులను ఉత్తేజితం చేస్తాయి. తద్వారా చర్మం కాంతివంతంగా, ఆరోగ్యంగా తయారవుతుంది. చర్మం నిగనిగలాడుతూ ఉండాలంటే కంటి నిండా నిద్రపోవడం కూడా చాలా అవసరం. మంచి నిద్రవల్ల కళ్ల కింద నల్లటి వలయాలు ఏర్పడటం, చర్మం కాంతి విహీనంగా ఉండటం తగ్గిపోతుంది. చర్మ సౌందర్యంలో ఎ, సి, ఇ విటమిన్లు ప్రధాన పాత్ర వహిస్తాయి. ఇవి ఎక్కువగా పండ్లు, కూరగాయల్లో లభ్యమవుతాయి. పాల ఉత్పత్తుల్లోనూ, నట్స్‌లోనూ విటమిన్లు సమృద్ధిగా లభ్యమవుతాయి. ప్రతిరోజు 8 గ్లాసుల కంటే ఎక్కువ నీరు తీసుకోవడం ద్వారా అందాన్ని కాపాడుకోవచ్చు.