టీజీవీ భార‌త్ ఆంద్ర బ్యాడ్మింట‌న్ లీగ్ (ఏబిఎల్)లో గోదావ‌రి గ‌న్స్ జ‌ట్టు విజ‌యం

రాష్ట్ర బ్యాడ్మింటన్‌ సంఘం రాష్ట్రంలో తొలిసారిగా చేపట్టిన టీజీవీ భరత్‌ ఆంధ్రా బ్యాడ్మింటన్‌ లీగ్‌ (ఏబీఎల్‌)లో గోదావరి గన్స్‌ జట్టు విజేతగా నిలిచింది. ఏకపక్షంగా సాగిన ఫైనల్‌ మ్యాచ్‌లో 3-0 ఆధిక్యంతో సినర్జీస్‌ వైజాగ్‌ స్మాషర్స్‌ జట్టుపై గెలుపొందింది. విజయవాడలోని దండమూడి రాజగోపాలరావు నగరపాలక సంస్థ ఇండోర్‌ స్టేడియంలో అమరావతి ఏసర్స్‌ ఆతిథ్యంలో గురువారం గోదావరి గన్స్‌, సినర్జీస్‌ వైజాగ్‌ స్మాషర్స్‌ జట్ల మధ్య జరిగిన ఫైనల్‌ మ్యాచ్‌ ఏకపక్షంగా సాగింది. గోదావరి గన్స్‌ జట్టుకు ప్రాతినిధ్యం వహించిన ఎం.కనిష్క్‌ పురుషుల సింగిల్స్‌లో 13-11, 11-8 స్కోర్‌ తేడాతో కె.జగదీష్‌ (వైజాగ్‌ స్మాషర్స్‌)పై గెలుపొందగా.. మహిళల సింగిల్స్‌లో వైజాగ్‌ స్మాషర్‌ü్స జట్టుకు ప్రాతినిధ్యం వహించిన సీహెచ్‌ఉత్తేజితారావు భుజం గాయం కారణంగా వాకోవర్‌ ప్రకటించడంతో రిఫరీ ప్రత్యర్థి ఎ.అక్షితను విజేతగా ప్రకటించారు. మూడో గేమ్‌ పురుషుల డబుల్స్‌లో గోదావరి గన్స్‌కు ప్రాతినిధ్యం వహించిన చంద్రకుమార్‌, చైతన్యరెడ్డి జోడీ 11-7, 11-9 స్కోర్‌ తేడాతో వైజాగ్‌ స్మాషర్స్‌ జోడీ గౌస్‌, కిరణ్‌కుమార్‌ జోడీపై విజయం సాధించింది.