క్రికెట్ లో క్రీడాకారులు మ‌రింత‌గా రానించాలిఃబిసీసీఐ క‌మిటీ చైర్మ‌న్ ఎంఎస్ కె . ప్ర‌సాద్

అమరావతిలో గొప్ప క్రికెటర్లు తయారుకావాలని బీసీసీఐ సెలక్షన్‌ కమిటీ ఛైర్మన్‌. ఎంఎస్‌కే ప్రసాద్‌ తెలిపారు. బొడా నాగేశ్వరరావు, భరత్‌సింగ్‌ నాయక్‌ పేరిట మండలంలోని పేరేచర్లలో ఏసీఏ నరేంద్రనాథ్‌ క్రికెట్‌ మైదానంలో జరుగుతున్న క్రికెట్‌ పోటీలలో గెలుపొందిన జీఆర్‌సీ జట్టుకు ఆదివారం బహుమతి ప్రదాన కార్యక్రమానికి మఖ్య అతిథిగా హాజరై మాట్లాడారు. ఈ ప్రాంతలోని క్రికెట్‌ క్రీడాకారులు దేశానికి, రాష్ట్రానికి మంచి పేరు తేవాలన్నారు. మెన్‌ అండ్‌ ఉమెన్‌ క్రికెట్‌ అసోసియేషన్‌ అధ్యక్షుడు జాగర్లమూడి మురళీమోహన్‌ మాట్లాడుతూ. క్రికెట్‌లో క్రీడాకారులు మరింత రాణించాలన్నారు. ఆంధ్ర క్రికెట్‌ అసోసియేషన్‌ కార్యదర్శి సీహెచ్‌ అరుణ్‌కుమార్‌ మాట్లాడుతూ ప్రీమియం లీగ్‌లు నిర్వహించేందుకు సన్నాహాలు చేస్తున్నట్లు చెప్పారు. ఈ కార్యక్రమంలో మెన్‌అండ్‌ ఉమెన్‌ క్రికెట్‌ అసోసియేషన్‌.జిల్లా కార్యదర్శి వీవీ ఆనంద్‌, మెన్‌ అండ్‌ ఉమెన్‌ క్రికెట్‌ అసోసియేషన్‌ సభ్యులు కె.కృష్ణాజి, వీ. రాజేష్‌, ఎన్‌.సీతారామయ్య, మున్నీష్‌ సైగల్‌, ఏ.సాయిరాం, పి.శరత్‌కుమార్‌, డి.దుర్గాప్రసాద్‌ తదితరులు పాల్గొన్నారు. ఆదివారం జరిగిన క్రికెట్‌ పోటీలలో నిర్ణీత 45 ఓవర్లలో ముందుగా బ్యాటింగ్‌ చేసిన జీసీసీ 10 వికెట్లు కోల్పోయి 288 పరుగులు సాధించింది. రెండో బ్యాటింగ్‌ చేసిన జీఆర్‌సీ 44.5 ఓవర్లలో 9 వికెట్లు కోల్పోయి 289 పరుగులు సాధించింది. ఒక వికెట్‌ తేడాతో జీఆర్‌సీ విజయం సాధించింది.