మే1నుంచి 31వ‌ర‌కు వేస‌వి క్రీడా శిక్ష‌ణ‌

నగరపాలక సంస్థ ఆధ్వర్యంలో మే 1వ తేదీ నుంచి 31 వరకు వేసవి శిక్షణ శిబిరాలను నిర్వహిస్తున్నట్లు న‌గ‌ర మేయ‌ర్ కోనేరు శ్రీధ‌ర్ తెలిపారు. 6 ఏళ్ల వయస్సు నుంచి 16 ఏళ్ల వయసులోపు బాలబాలికలకు క్రీడల్లో శిక్షణ ఇవ్వనున్నట్లు వెల్లడించారు. ఈ నెల 22 నుంచి 30వ తేదీ వరకు శిక్షణ ప్రాంతాల్లో దరఖాస్తులు అందుబాటులో ఉంచుతామని, పూర్తిచేసి అందజేయాలని సూచించారు. షటిల్‌ బ్యాడ్మింటన్‌లో శిక్షణను దండమూడి రాజగోపాలరావు ఇండోర్‌ స్టేడియంలో, గాంధీనగర్‌ సర్‌విజ్జి ఈతకొలను, గురునానక్‌నగర్‌, కెఎల్‌రావు ఈతకొలనుల్లో సిమ్మింగ్‌లో శిక్షణ ఇవ్వనున్నట్లు వెల్లడించారు. ఈ సంద‌ర్భంగా సంబంధిత అధికారుల‌తో మేయ‌ర్ శుక్ర‌వారం స‌మావేశం అయ్యారు.